Олимпиада ойындарының соңғы күніндегі қазақстандық спортшылардың нәтижесі

Әйелдер арасындағы 30 шақырымдық масс старт жарысында қазақстандық спортшылар арасынан ең жоғарғы нәтижені Ангелина Шурыга көрсетті. Ол мәре сызығына 42-ші болып келсе, Надежда Степашкина 49-орын, ал Ирина Быкова 54-орыннан көрінді.

Норвегиялық шаңғышы Тереза Йоxауг Бейжің Олимпиадасында үшінші алтынына қол жеткізді. Әйелдер арасындағы жарыста күміс жүлде АҚШ спортшысы Джесскика Диггинске бұйырса, қола жүлде Керту Нисконеннің еншісінде. 

Норвегиялық спортшы бұған дейін 7,5 шақырымдық скиатлон жарысы мен 10 шақырымға классикалық сайыста топ жарған болатын.