Захар Кучин жүлдеге іліге алмады

Бейжіңде өтіп жатқан Қысқы Олимпиада ойындарында тау шаңғысының гигант слалом аталымы бойынша алғашқы іріктеу кезеңдері аяқталды.

Бұл сында жарыс жолына шыққан спортшымыз Захар Кучин өкінішке қарай нәтиже көрсете алмады. Жылдам құлдилау сәтінде Захар қателікке жол беріп, алғашқы Олимпиадасын сәтсіз бастады.

87 қатысушының 54-і келесі айналымда бақ сынайды.

Бұл жарыста швейцариялық Марко Одерматт көш бастады.

Енді Захар Кучин 16 ақпан күні тау шаңғының слалом түрінен сайысқа түседі.