Футзалдан Қазақстан құрамасы Еуропа чемпионатына аттанды

Қазақстан құрамасы Нұр-Сұлтан – Стамбул – Амстердам бағытында кәрі құрлық біріншілігіне аттанды. Футзалдан Еуропа чемпионаты 19 қаңтар күні Нидерланды – Португалия ойынымен басталып, 6 ақпанға жоспарланған финалдық ойынмен аяқталады. Қазақстан құрамасы В тобында Словения (20 қаңтар) Италия (24 қаңтар) және Финляндия (28 қантар) құрамаларына қарсы ойын өткізеді.

Соңғы ақпаратқа сәйкес Қазақстан құрамасы сапында Еуропа чемпионатында Дәурен Нұрғожин ойнай алмайды, сонымен қатар АФК «Қайрат» ойыншысы Эдсон Қазақстан азаматтығын алып, Еуропа чемпионатында ойнауға мүмкіндік алды. Осылайша Қазақстан сапында өнер көрсететін бразилиялықтардың саны бесеуге жетті. Олар: Игита, Лео, Тайнан, Дуглас және Эдсон.