Нұр-Сұлтан қаласында 2022 жылы триатлоннан Азия чемпионаты өтеді

Нұр-Сұлтан қаласы 2022 жылы триатлоннан Азия чемпионатын өткізеді. Турнир шілде айына жоспарланған.

«Триатлоннан Junior санатындағы спортшылар арасында Азия чемпионаты өтетіні белгілі болды. Бұл санаттағы спортшылар бәсекесін елорда алғаш рет қабылдамақ. Қазір жарыстың өтетін күні және жауапты техникалық делегаттар бекітілді. Бұл Халықаралық жарыс 2021 жылы да жоспарланған еді, бірақ эпидемиологиялық жағдайдың тұрақсыздығынан және кей елдерге шығуға қойылған шектеулерден соң кейінге жоспарланды», - делінген Қазақстан триатлон федерациясының сайтында.