Қазақстан құрамасы гандболдан Әлем чемпионатында Нидерланды құрамасымен кездеседі

Испанияда өтіп жатқан гандболдан әйелдер арасындағы Әлем чемпионатында Қазақстан құрамасы Нидерланды елінің гандболшыларымен кездеседі. Жаңа формат бойынша өтіп жатқан Әлем чемпионатының негізгі кезеңіндегі бірінші ойынды отандастарымыз Швнция құрамасына қарсы өткізіп, 20:55 есебімен жеңіліп қалды. Негізгі кезеңде отандастарымыз Нидерланды құрамасынан кейін және Пуэрто Рико командасымен ойнайды. Бұл ойын 13 желтоқсанға жоспарланған.

Қазақстан - Нидерланды ойыны бүгін Нұр-Сұлтан уақытымен сағат 22:50-де, «Qazsport» телеарнасының тікелей эфирінде болады.

Испанияда өтіп жатқан Әлем чемпионаты 19 желтоқсанға дейін жалғасады.