«Qazsport» телеарнасы гандболдан әйелдер арасындағы әлем чемпионатын тікелей эфирде көрсетеді

Гандболдан әйелдер арасындағы Әлем чемпионаты 1-19 желтоқсан аралығында Испанияда өтеді. Турнир алғаш рет 32 команданың қатысуымен өтеді. 2019 жылғы Жапонияда өткен Әлем біріншілігі 24 команданың қатысуымен өткен. 

Бұл турнирге Қазақстан құрамасы да қатысады. С тобында өнер көрсететін отандастарымыз: Норвегия, Румыния және Иран құрамаларына қарсы ойнайды. Қыздарымыз Әлем чемпионатындағы алғашқы ойынын 3 желтоқсан күні Норвегия құрамасына қарсы өткізеді. Ойын Нұр-Сұлтан уақытымен сағат 23:30-да басталады. Матч «Qazsport» арнасының тікелей эфирінде көрсетіледі.