Қазақстанда шахматтың рапид және блиц түрінен әлем чемпионаты өтеді

Нұр-Сұлтан қаласында 25-31 желтоқсан аралығында жылдам шахматтан (рапид пен блицтен) Әлем чемпионаты (FIDE World Rapid and Blitz Championships 2021) өтеді.

Байрақты бәсекеге Әлемнің 52 елінен 200-ден астам шахматшы келеді деп күтілуде. Қатысушылар арасында әлем біріншілігінің жеңімпаздары мен жүлдегерлері және FIDE (Халықаралық шахмат федерациясы) нұсқасы бойынша жоғары рейтингті шахматшылар бар.

Сонымен қатар, чемпионатқа өз Ұлттық федерациясы атынан ерлер мен әйелдер секцияларындағы қазіргі ел чемпиондары мен Әлем чемпионаты тәртібінде көрсетілген талаптарға сәйкес келетін шахматшылар қатыса алады. Қазақстан шахмат федерациясының қосымша 30 қазақстандық ойыншыны шақыруға құқығы бар.