Қазақстан құрамасы UEFA рейтингінде үздік бестікте

УЕФА ресми сайтында жарияланған соңғы ақпаратқа сәйкес, футзалдан Қазақстан құрамасы жаңартылған рейтинг бойынша төртінші орында тұр. Бұл ЕУРО-2022 турнирінің алдындағы рейтинг ретінде саналады. ЕУРО-2022 додасы 19 қаңтар мен 6 ақпан аралығында Нидерланды мемлектетінде өтеді. Қазақстан құрамасы В тобында Словения, Италия және Финляндия құрамаларына қарсы ойнайды.

Футзалдан жаңартылған УЕФА рейтингі:

1. Испания - 2493 ұпай

2. Ресей - 2464 ұпай

3. Португалия - 2450 ұпай

4. Қазақстан - 2355 ұпай

5. Хорватия - 2051 ұпай

Қазақстан құрамасы ЕУРО-2022 додасына дайындық барысында екі жолдастық кездесу өткізеді. 14-15 желтоқсанда Нұр-Сұлтан қаласында Өзбекстан құрамасымен өткізсе, қаңтар айында Украина құрамасымен ойнайды.