«Qazsport» телеарнасы футзалдан әлем чемпионатаның 1/8 финалы аясындағы Қазақстан – Таиланд кездесуін тікелей эфирде көрсетеді.

Қазақстан плей-офф кезеңіне өз тобынан бірінші орынмен шықты. Таиланд үшінші орын иеленді. Қарсыластар бұған дейін ресми матчтарда өзара ойнап көрмеген. Тек 2017 жылы жолдастық кездесу өткізіп, 2:1 есебімен Қазақстан жеңіске жеткен. 

2016 жылы Колумбияда өткен соңғы әлем чемпионатында Қазақстан мен Таиланд плей-оффтың бірінші кезеңінен аса алмады. 1/8 финалда біздің құрамамыз Испанияға, ал Таиланд Әзірбайжанға есе жіберген болатын. 

Қазақстан – Таиланд кездесуінің тікелей трансляциясын 23 қыркүйек күні Нұр-Сұлтан уақытымен сағат 20:20-да көре аласыздар.