«Qazaqstan» және «QAZSPORT» телеарналары Майк Тайсон мен Рой Джонс арасындағы бокс кешін тікелей эфирде көрсетеді

29 қарашада Калифорниядағы Карсон қаласында Dignity Health Sports Park аренасында Майк Тайсон мен Рой Джонс арасындағы жекпе-жек өтеді. 

Кездесу елорда уақытымен 07:50-де басталады. Екі аңыз кәсіпқой боксшылардың жұдырықтасу кешін «Qazaqstan» және «QAZSPORT» телеарналары тікелей эфирде көрсетеді.

Жекпе-жек форматы - 2 минуттан 8 раундты құрайды. Спортшылар рингке шлемсіз және 12 унция қолғаппен шығады.

Жеңімпаз үшін Бүкіләлемдік бокс кеңесінің (WBC) арнайы белбеуі табысталады. Бұл белдеу Frontline Battle Belt («Майдан шебіндегі шайқас белбеуі») деп аталды.