ҚХЛ «Барыстың» 6 матчын кейінге шегерді

ҚХЛ «Барыс» сапының ойыншылары коронавирус жұқтырғандарына байланысты елордалық клубтың матчтарын кейінге қалдырғанын ресми хабарлады.

«Барыстың» 18 қыркүйекте ригалық «Динамо», 20 қыркүйекте «Северсталь», 22 қыркүйекте «Металлург», 27 қыркүйекте «Куньлунь», 29 қыркүйекте «Витязь» және 1 қазанда «Сочи» командаларымен өтуі тиіс ойындары кейінге шегерілді.

«Команданың 12 мүшесінен және жаттықтырушылар құрамынан коронавирустың шығуына байланысты ұжым екі апталық карантинге жабылады.

Кейінге шегерілген ойындар енді қашан өтетіні туралы Құрлықтық хоккей лигасы басшылары алдағы уақытта қосымша ақпарат береді», - деп жазды ҚХЛ баспасөз қызметі.