Велоспорттан Азия чемпионаты өтпейді

Велоспорттан биылғы Азия чемпионаты өтпейтін болды.

Азия велоспорт конфедерациясының хабарлауынша, 2020 жылғы құрлықтық біріншілік болмайды. Конфедерацияның мұндай шешім қабылдауына Covid-19 пандемиясы себеп болған.

Бастапқыда бұл дода 17-22 наурыз күндеріне жоспарланған болатын. Кейін белгісіз мерзімге шегерілген. Жоспар бойынша 2020 жылғы Азия чемпионаты Малайзияның Кибеоджайя қаласында өтуі тиіс еді.