«Ролан Гаррос» көрерменсіз өтуі мүмкін

Бұл туралы Франция теннис федерациясының президенті Бернар Джудичелли мәлімдеді.

«Турнирді көрерменсіз өткізу мүмкіндігін жоққа шығаруға болмайды. Жарыс көрерменсіз өткенімен, телетрансляция және серіктестік құқығы арқылы да табыс табуға мүмкіндік туады. Бірақ ең маңыздысы спортшылардың денсаулығына зақым келмеуі керек» - деп AFP Джудичеллидің сөзін жеткізді.

Естеріңізге сала кетейік, «Ролан Гаррос» турнирі 25 мамыр мен 7 маусым аралығында Парижде өткізілуі тиіс болатын. Алайда коронавирус пандемиясына байланысты жарыс кейінге шегерілді.