Спорттық гимнастикадан бірнеше кезең өтпейтін болды

Халықаралық гимнастика федерациясы спорттық гимнастикадан әлем кубогі кезеңінің өтпейтінін мәлімдеді.

Аталған турнир Словенияның Копере қаласында 11-14 маусым аралығында өтуі тиіс болатын.

Осыған дейін 26-28 маусымға жоспарланған Мерсиндегі (Түркия) жарыстың өтпейтіні белгілі болған еді.

Сонымен қатар, Варнедегі (14-17 мамыр, Болгария), Каирде (Кгипет, 5-8 маусым) және Осиекеде (18-21 маусым, Хорватия) өтетін сайыстар өткізілмейтін болды. 

Айта кетерлігі, коронавирус пандемиясына байланысты спорттық гимнастикадан Бирминегем (Ұлыбритания - 28 наурыз) мен Токиодағы (Жапония, 4-5 сәуір) олимпиадалық іріктеу турнирлері тоқтатылса, Дохада жоспарланған әлем кубогінің кезеңі белгісіз мерзімге кейінге шегерілді.

ҚР ҰОК