Фристайл-могулдан Әлем Кубогінің соңғы кезеңі өтпейтін болды

Фристайл-могулдан Идре Фьелле (Швеция) аймағында жоспарланған әлем кубогінің соңғы кезеңі өтпейтін болды.

«13-15 наурызда өтуі тиіс фристайл-могулдан әлем кубогі кезеңі коронавирустың кеңінен таралып, спортшылардың жолға шығуына көптеген елдерде шектеу салынғанына байланысты ұйымдастырылмайды. 

Спортшылар мен өзге де қатысушылардың денсаулығын FIS барлығынан да биік қояды. Аймақтардағы үкімет пен денсаулық сақтау ұйымдарының шешім-нұсқаулықтарының маңызы зор. 

Швециядағы жарыс 2019-20 жылдарға арналған фристайл-могулдан әлем кубогі кезеңдерін аяқтауы тиіс болатын. Жарыс кейінге шегеріліп, басқа уақытқа ауыстырылған жоқ. Хрустальді глобусты салтанатты түрде рәсімдеу 13 наурыз күні өтеді», - делінген FIS хабарламасында.

FIS