«Реал Мадрид» Испания чемпионатында көш бастады

Мадридтегі Эль-Класико 2:0 есебімен алаң иелерінің пайдасына шешілді. Реал Мадрид каталониялық команданы Ла лигада осыдан төрт жыл бұрын тізе бүктірген еді. Алғашқы таймда есеп ашылған жоқ. Үзілістен кейін Тони Кроостан пас алған Винисиус Жуниор мадридтіктерді алға шығарды. Ойынға тыңнан қосылғанал Мариано Диас нәтижені еселеді. Зинедин Зидан шәкірттері 26 турдан кейін 56 ұпай жинап, бірінші орынға көтерілді.

Ойынды «QAZSPORT» телеарнасы тікелей эфирде көрсетті.