Конор-"Ковбой" жекпе-жегін "QAZSPORT" тікелей эфирде көрсетеді

18 қаңтарда әйгілі спортшы Конор Макгрегор октогонға қайта оралады. Ирландиялық спортшы америкалық Дональд Серронемен Лас-Вегаста айқасқа түседі.

Конор Макгрегор UFC 246 турниріне дейін 25 жекпе-жек өткізіп, 21 мәрте қарсыластарын қапы қалдырды. Ол 15 ай бұрын соңғы жекпе-жегін өткізіп, жеңілмеген спортшы Хабиб Нұрмағамедовтен айласын асыра алмады.

"Ковбой" өткен жылы 4 кездесу өткізді. Екі рет қарсыластарынан басым болғанымен, қос жекпе-жегінде жеңілістің ащы дәмін сезінді. Америкалық тәжірибелі спортшы 49 мәрте айқасқа түсіп, 36 жекпе-жегін жеңіспен аяқтаған.

Аталмыш турнирді "QAZSPORT" телеарнасы тікелей эфирде көрсетеді. UFC 246 жарысы 19 қаңтар күні елорда уақытымен сағат 07:00-де басталады.