Қазақстандық боксшылар халықаралық жарыстан олжалы оралды

Нидерландыда жыл сайын ұйымдастырылатын World Port Boxing турнирі өз мәресіне жетті. Қазақстан құрамасы мен Нидерланд командасының былғары қолғап шеберлері күш сынасқан байрақты бәсекеде жерлестеріміз жеңіске жетті. Ел намысын қорғаған 8 спортшының 6-ы жеңіс тұғырына көтерілді. Осыған дейін аталмыш додаға АҚШ пен Куба елдерінің боксшылары шақырылған. 

Қызғалдақтар еліндегі айтулы аламанға Ғалым Кенжебаев 8 боксшы апарды. Олар:  Зәкір Сафиуллин (60 келі), Талғат Шәйкен (69 келі), Абылайхан Жүсіпов (69 келі), Тұрсынбай Құлахмет (75 келі), Ермахан Жақпеков (75 келі), Нұрбек Оралбай (81 келі) , Аида Әбікеева (57 келі), Валентина Хальзова (69 келі).