Қазақстандық спортшы бодибилдинг бойынша Әлем кубогінен жүлделі оралды

Дина Баймаханның бодибилдингпен кәсіби түрде айналысқанына 1 жылдан асты. Осы жылы елордада бодибилдингтен Қазақстан біріншілігі өтті. Аталмыш додада алматылық ару топ жарып, Испаниядағы жарысқа қатысуға мүмкіндік алды.

Қараша айының басында Испанияның Таррагона қаласында Әлем кубогі өтті. Пиреней түбегіндегі жарыста отандасымыз ресейлік София Малолетоваға ғана есе жіберіп, күміс медальді еншіледі.⠀

Бұрымды бодибилдинг шебері Рига қаласында өтетін әлем чемпионатына дайындық үстінде. Латвиядағы айтулы аламанға әлемнің 50-ден астам елінен келген спортшы бақтары мен баптарын безбенге салады. Отандасымыздың мақсаты — бұл байқауда үздік бестікке кіру. Жерлесімізге жеңіс тілейміз!