"Канело"-Ковалев жекпе- жегін "QAZSPORT" телеарнасы көрсетеді

Ресейлік Сергей Ковалев пен мексикалық Сауль Альварес арасындағы жекпе-жек 2 қараша күні Лас-Вегаста өтеді. Қазақстандық бокс жанкүйерлері аталмыш кездесуді 3 қараша күні таңғы сағат 06:25-тен бастап "QAZSPORT" арнасынан тамашалай алады. 

Қос боксшы жартылай ауыр салмақтағы "WBO" чемпиондық белбеуін сарапқа салады. Қазіргі таңда бұл титул ресейлік спортшының еншісінде. 

Осы күні отандасымыз Мейірім Нұрсұлтанов мексикалық Кристиан Оливасқа қарсы жекпе-жек өткізеді өткізеді. Олар WBC (USNBC) тұжырымындағы чемпиондық атақ үшін шаршы алаңға шығады. Мейірім кәсіпқой рингтегі 12 жекпе-жегінің барлығында қарсыластарынан басым түсті.