Мейірім Нұрсұлтанов "Канело"-Ковалев андеркардында жұдырықтасады

Отандасымыз Мейірім Нұрсұлтанов келесі жекпе-жегін 2 қараша күні мексикалық Кристиан Оливасқа қарсы өткізеді. Олар WBC (USNBC) тұжырымындағы чемпиондық атақ үшін қолғап түйістіреді. Мейірім кәсіпқой рингтегі 12 жекпе-жегінің барлығында қарсыластарынан басым түсті.

Естеріңізге сала кетейік, осы жылы мексикалық боксшы Лос-Анджелесте жеңілмеген қазақ боксшысы Жәнібек Әлімханұлымен айқасқа түсті. Бұл кездесуде төрешілер шешімімен "Qazaq style" жеңіске жеткен болатын.

Лас-Вегастағы "MGM Grand" аренасында өтетін бокс кешінің басты бәсекесінде Сауль Альварес пен Сергей Ковалев кездеседі. Кәсіпқой бокс кешін 3 қараша күні сағат 06:25-тен бастап тікелей эфирде көре аласыздар.