Томасовтың төрт голы "Астанаға" жеңіс сыйлады

27 қазан күні "Астана" өз алаңында "Ақтөбені" қабылдап, 5:0 есебімен жеңіске жетті. "Астана-Арена" алаңында өткен ойында жергілікті команданың көшбасшысы Марин Томасов ақтөбеліктер қақпасына 4 гол соқты. Ойынның соңғы минутында Серікжан Мужиков есепті 5:0-ге жеткізді. 

Осы жеңістен кейін елордалықтар 63 ұпайға қол жеткізді. Көш басындағы "Қайраттан" 2 ұпайға аз болғанымен, ҚПЛ-да алматылықтардан 1 ойын кем ойнады.