Футзалдан Қазақстан құрамасы әлем чемпионатының іріктеуіне қатысатын футболшылардың есімін атады

Футзалдан Қазақстан құрамасының бас бапкері Пауло Рикардо Кака әлем чемпионатының іріктеуінде ел намысын қорғайтын футболшылардың есімін атады. 

Қақпашылар: Игита («Қайрат»), Александр Гуров («Аят»);

Алаңдағы ойыншылар: Шыңғыс Есенаманов, Дәурен Нұрғожин, Дуглас, Дәурен Тұрсағұлов, Біржан Оразов, Альберт Ақбалықов (бәрі – «Қайрат»), Дінмұхамбет Сүлейменов, Арнольд Кнауб (екеуі де – «Жетісу»), Лео, Тайнан («Спортинг», Португалия), Қайрат Иманалин («Ақтөбе»), Азат Валиуллин («Аят»).

Әлем чемпионатының іріктеу турнирінде Қазақстан құрамасы Албания, Нидерланд, Румыния командаларымен бір топта ойнайды. Ойындардың барлығы Румынияда өтеді. Жарыс 23 қазан басталып, 26 қазанға дейін жалғасады.