Қазақстан құрамасы Франциядан жеңілді

Футболдан Қазақстан әйелдер құрамасы Еуропа біріншілігінің іріктеу кезеңі аясында франциялық аруларға есе жіберді. Алғашқы таймда жақсы ойнаған отандастарымыз екінші кезеңде қорғаныста біраз қателік жіберді. Ойынның 58-ші минутында Валери Говен алғашқы голды соқса, араға 12 минут салып Ле Соммер есепті еселетті. Ойынға тыңнан қосылған Мари-Антуанетт Катото алаң иелері қақпасына 3-ші голды соқты. 

Қазақстан 0 - 3 Франция. Голдар: Говен 58, Ле Соммер 70, Катото 89.