Қазақстандық велошабандоз Юрий Натаров "Tour of Almaty-2019" жарысын жеңіп алды

"Tour of Almaty" сайысы - еліміздің аумағында өткізілетін ең ауқымды жарыстардың бірі. Айтулы аламанға әлемнің 25 елінен келген 150-ге тарта спортшы қатысты. 31 тамызда аталмыш турнирдің шешуші кезеңінде отандасымыз Юрий Натаров жеңімпаз атанды. Екінші болып мәре сызығын "Gazprom Rusvelo" өкілі Александр Власов кесті. "Amore & Vita–Prodir" командасының мүшесі Челано үштікті түйіндеді. Естеріңізге сала кетейік, бұл сайысты QAZSPORT телеарнасы тікелей эфирде көрсетті.