Конькимен жарысу. 1000 метрлік сында спортшыларымыз жүлдеге таласа алмады

Оңтүстік Корея елінің Пхенчхан қаласындағы ХХІІІ Қысқы Олимпиада ойындарында конькимен жарысудан 1000 метрлік қашықтықта ерлер арасындағы финалдық кезеңдер өз мәресіне жетті.

Аталған сында құрама сапынан Федор Мезенцев, Денис Кузин және Станислав Палкин бақ сынған еді. Сайыс қорытындысы бойынша белгіленген қашықтықты Мезенцев 1:10.62 уақытта жүріп 33-ші орынға жайғасты. Ал, Денис Кузин 1:10.13 уақыт көрсеткішімен 27-ші орында. Үшінші отандасымыз Станислав Палкин жарыс жеңімпазы голландиялық Кайлд Нюске +2.19 секунд уақытқа кеш келіп, қорытынды кестеде 29-шы орынға тұрақтады. Күміс және қола медаль норвегиялық Хавард Лоренцен мен жапониялық Ким Тай-Юнның еншісіне бұйырды.

фото: russkating.ru