Универсиада- 2019: Қазақстан құрамасы жарысты жеті медальмен аяқтады

Италияның Неаполь қаласында жазғы Универсиада ойындары аяқталды. Қазақстан құрамасы сапынан аталмыш турнирде 94 спортшы бақ сынап, жеті медаль жеңіп алды.

Дзюдодан сынға түскен Ғалымжан Қырқыбай алтын медаль иеленсе, бес спортшы күміс жүлдені қанағат тұтты. Олардың қатарында: спорттық гимнастикадан Нариман Құрбанов пен Милад Карими, жеңіл атлет Михаил Литвин, таеквондошы Смайыл Дүйсебай және стенд атушы Зоя Кравченко бар. 

Сонымен қатар, Сәрсенкүл Рысбекова стенд атудан қола жүлдегер атанды. 

Жалпы есепте Қазақстан құрамасы жарысты 25-ші орында аяқтады.