Конькимен жарысу. 1000 м. Екатерина Айдова 24-ші

Бүгін «Пхенчхан-2018» Қысқы Олимпиада ойындарында әйелдер арасындағы 1000 метрлік қашықтықта конькимен жарысу сайысы өтті. 

Аталған сында құрама сапынан Екатерина Айдова бақ сынаған еді. Отандасымыз қытайлық Тиан Рунингпен мұз айдынына шығып өнер көрсетті. Аталған ара қашықтықты Айдова 1:17.09 минут уақытта жүріп өтіп, жалпы есепте 24-орынға тұрақтады. Ал, бұл сайыста алтын медаль голландиялық Юрен Тер Морсқа бұйырса, күміс және қола жүлде қос жапониялық Нао Кодайра мен Михо Такагидің еншісінде кетті.

Айта кетйік, жарысты «Qazsport» арнасы тікелей эфирде көрсеткен болатын.