Милад Карими спорттық гимнастикадан Азия чемпионатында жүлдегер атанды

Ұлан-Батырда өтіп жатқан спорттық гимнастикадан Азия чемпионатында қазақстандық Милад Карими жүлдегерлер қатарынан көрінді.

Карими еркін жаттығудан өткен финалдық кезеңде 14.533 ұпай жинап екінші орынға тұрақтады. Бірінші орын қытайлық спортшыға бұйырса, қола медаль жапониялық спортшының еншісінде.

Айта кетейік, Милад Карими спорттық гимнастиканың тағы үш түрі бойынша финалда бақ сынайды. Сонымен қатар отандастарымыз Нариман Құрбанов пен Аким Мұсаев гимнастикалық ат снарядындағы жаттығуда жүлдеге таласатын болады.

Фото: ҚР ҰОК