Олимпиада қалашығында Қазақстанның Туы көтерілді

XXIII қысқы Олимпиада ойындары қарсаңында өткен ту шығару рәсімінде спортшыларды ҚР Ұлттық Олимпиада комитетінің президенті Тимур Құлыбаев бастап шықты.   Естеріңізге сала кетейік, Пхенчхан қаласындағы Олимпиада ойындарына екі күн қалды. Қазір қазақстандық спортшылар Олимпиада қалашығында соңғы дайындықтарын пысықтауда. Қазақстан спортшылары Олимпиадаға 57 жолдама жеңіп алған болатын. Олар спорттың 9 түрінен сынға түседі. Ақ Олимпиаданың ресми ашылу салтанаты 9 ақпанда, ал жабылу рәсімі 25 ақпанға жоспарланған.