Ольга Сафронова Seiko Golden Grand Prix Osaka турнирінде екі медаль жеңді

Жапонияда өткен Халықаралық жеңіл атлетика федерациясының Seiko Golden Grand Prix Osaka турнирінде қазақстандық Ольга Сафронова екі медаль еншіледі.  

Осакадағы турнирден отандасымыз бір күміс, бір қола медаль жеңді. 100 метрге жүгіруден Ольга 11.39 уақыт көрсеткішімен екінші орын иеленсе, 200 метрді 23.08 секундта жүгіріп өткен ол мәре сызығына үшінші болып келді.  

Еске сала кетейік, Сафронова биылғы Азия біріншілігінде 100 метрге жүгіруден жеңімпаз атанған болатын.