Қайрат Сарымсақов әлем чемпионатының қола жүлдегері атанды

Манчестерде өтіп жатқан таеквондодан әлем чемпионатында қазақстандық Қайрат Сарымсақов қола медаль иеленді.

1/2 финалда қазақстандық спортшы иорданиялық, Рио Олимпиадасының чемпионы Ахмад Абугауштан 3:7 есебімен ұтылып қалды. Осылайша Қайрат Сарымсақов аталмыш турнирдегі Қазақстан құрамасының қоржынына алғашқы жүлдені салды.

Айта кетейік, Қайрат Сарымсақов 2017 жылы Оңтүстік Кореяда өткен әлем біріншілігінде қола медаль еншілеген болатын.