Олимпиада-2018. Қауіпсіздікті 10 мың полицей мен дрондар қамтамасыз етеді

Шамамен 10 мың полиция қызметкері, оның ішінде арнайы бөлім  Пхёнчхандағы Олимпиадалық ойындардың  қауіпсіздігін қамтамасыз ететін болады.

Салтанатты ашылу рәсімі 9 ақпанда Солтүстік және Оңтүстік Кореяны бөліп тұрған демилитаризациялық аймақтан 80 шақырым қашықтықта өтеді, деп хабарлайды euronews. Осыған байланысты ресми Сеул қандай да бір арандатушылықтың болмауы үшін барлық сақтық шараларын қабылдады.

Белгілі болғандай, Оңтүстік Корея билігі Олимпиадалық ойындар үшін тосқауылшы дрондар флотилиясын сатып алды. Олар камералармен және адам түрін анықтайтын түрлі бағдарламамен жабдықталған. Ал барлық автомобильдер көлік ішіндегі заттарды тексеруге мүмкіндік беретін арнайы сканерден өткізіледі.  

inform.kz