Георгий Шейко 2020 жылғы Олимпиада ойындарына қатысу нормативін орындады

Қазақстандық атлет Георгий Шейко Жапонияның Номи қаласында өткен спорттық жүрістен Азия чемпионатында  күміс медаль иеленді.

Отандасымыз 20 шақырымдық қашықтықты 1 сағат 20 минут 21 секундта жүріп өтті. Бірінші орынға жапондық Тошиказа Яманиши тұрақтаса, қола медаль кореялық Чоға бұйырды. 

Айта кетелік, Георгий Шейко 2020 жылғы Олимпиада ойындарына қатысуға мүмкіндік беретін нормативті орындады. Жолдамаға ілігу үшін 20 шақырымды 1:21:00 уақыт көрсеткішінде жүріп өтуі тиіс.