Шорт-тректен Қазақстанның қыздар құрамасы Қысқы Универсиада ойындарында қола жүлдеге ие болды

Шорт-тректен Қазақстан қыздар құрамасы Ресейдің Красноярск қаласында өтіп жатқан Қысқы Универсиада ойындарында қола жүлдеге ие болды.

3000 метрге эстафеталық сында отандастарымыз мәре сызығын 4:27.719 уақытында кесіп өтті. Алғашқы көрсеткіш бойынша қазақстандық қыздар төртінші нәтиже көрсеткен. Алайда, төрешілердің шешімімен жүлдеге ілінген Оңтүстік Корея құрамасы диквалификация алды. 

Бірінші орынға Ресей қыздары жайғасса, Жапония құрамасы "күмісті" қанжығасына байлады.

Фото: ҚР ҰОК