Қазақстандық ауыр атлет Арли Чонтей әлем чемпионатында күміс медаль еншіледі

Қазақстандық ауыр атлет Арли Чонтей Ашхабадта өтіп жатқан әлем чемпионатында күміс медаль еншіледі.

Арли Чонтей жұлқа көтеру жаттығуын 115 келіден бастап, үшінші мүмкіндігінде 120 келіні бағындырды.

Қазақстандықтың басты қарсыласы Солтүстік Корея елінен келген танымал ауыр атлет Ом Юн Чхоль алғашқы жаттығуында 120 келіні көтергенімен, кейінгі екі мүмкіндігінде мүлт кетті.
 

Серпе көтеруде қазақстандық спортшының үздік көрсеткіші 138 келі болды. Ал, Солтүстік Кореялық спортшы алғашқы мүмкіндігінде 155 келіні, соңғысында 162 келінібасынан асырып, төртінші рет әлем чемпионатында топ жарды.