Универсиада - 2017. Фристайлшылар ел қоржынына екінші алтынды салды

Қазақстандық фристайлшылар Қысқы Универсиадада сәтті өнер көрсетуін жалғастыруда.

Командалық сайыстың акробатика бағдарламасында Жанбота Алдабергенова мен Бағлан Іңкәрбек алтын медаль иеленді.

Олар суперфиналда қытайлық екі командадан басым түсті. Қазақстандық спортшылар 167,05 ұпай жинаса, қытайлық командалар көрсеткен өнерлері үшін  113,02 және 87,77 ұпайға ие болды.