Британдық боксшы кіші Крис Юбенк Геннадий Головкинді қалай жеңуге болатынын айтты

Г.Головкиннің биылғы ықтимал қарсыластарының ішінде - Хильберто Рамирес, Эрисланди Лара, Дэниел Джейкобс және Билли Джо Сондерс бар. «Оның стилін бақыладым, ойынында кемшін тұстары жетерлік - ол баяу, қорғанбайды. Оны жеңу қиын емес. Жұдырығының қуаты күшті болғанымен, мені жеңуге шамасы жетпейді. Ол маған соққы дарытса, мен «Әрі қарай не істейсің?» деп сұраймын. Онымен айқасқан жігіттер бір соққыдан кейін беріліп қояды. Өйткені, олар таяқ жегісі келмейді. Ал, мен қорықпаймын. Головкин командасымен келіссөз жүргізіп жатырмыз. Жыл соңында кездесу ұйымдастыруымыз мүмкін», - дейді кіші Крис Юбенк.