Қазақстандық боксшылар Данияр Елеусінов пен Василий Левит «Gee-Bee-2016» турнирінде жеңімпаз атанды

Финляндия астанасы Хельсинкиде бокстан «Gee-Bee Tournament-2016» турнирі аяқталды. 35 рет ұйымдастырылған тунирге Белаурсь, Бельгия, Англия, Франция, Италия, Ирландия, Қазақстан және тағы басқа елдерден 90 боксшы қатысқан. Қазақстан Ұлттық құрамасынан бұл турнирге 4 боксшы қатысты. Олар: Біржан Жақып (49), Берік Әбдірахманов (60), Данияр Елеусінов (69) және Василий Левит (91). Данияр Елеусінов финалда литвалық Эймантис Станионисті жеңіп алтын медаль иеленсе, Василий Левиттің қарсыласы ирландық Даррен О'Нил жарақатына байланысты рингке шығудан бас тартқан соң, Василий жекпе-жек өткізбей-ақ чемпион атанды. Ал, Біржан Жақыпов пен Берік Әбдрахманов ширек финалда қарсыластарынан жеңіліп қалды.