Геннадий Головкин 23 сәуірде Доминик Уэйдпен жұдырықтасады

Жекпе-жек Лос-Анджелесте өтеді. Кәсіпқой бокстан WBA (Super), IBO, IBF және WBC (Interim) тұжырымдарының орта салмақтағы чемпионы қазақстандық боксшы Геннадий Головкин 23 сәуірде жекпе-жек өткізетінін ресми түрде мәлімдеді. «Калифорниядағы «Форум» аренда жекпе-жек өткізетініме қуаныштымын. Бұл менің достарыма және жанкүйерлеріме тамаша сый болмақ. Уэйд – аш қарсылас, сондықтан, жанкүйерлерім жақсы кездесудің куәсі болады», - деп жазады Геннадий Головкин өзінің «Instagram» парақшасында. Айта кетейік, 25 жастағы америкалық боксшы Доминик Уэйд кәсіпқой бокста 18 жекпе-жек өткізіп, барлығында жеңіске жеткен. 12 кездесуін мерзімінен бұрын аяқтаған. Ал, Геннадий Головкин 34 жекпе-жек өткізіп, барлығын жеңіспен аяқтаған (31 нокаут).