Бекман Сойлыбаев мексикалық боксшысы Мойсес Дельгадилломен жұдырықтасады

Қазақстандық кәсіпқой боксшы Бекман Сойлыбаев 18 ақпан күні Калифорнияда NABA USA тұжырымының чемпиондық атағын сарапқа салады. Бекман Сойлыбаев кәсіпқой бокс рингінде бірінші рет чемпиондық атақ үшін жұдырықтаспақ. Бекман бұған дейін жеті рейтингтік жекпе-жек өткізіп, бәрінде жеңіске жеткен. Ал, қарсыласы 28 жастағы Мексика боксшысы Мойсес Дельгадилло – кәсіпқой бокста осы уақытқа дейін 30 (15 (8KO) – 13 – 2), жекпе-жек өткізген. Қазір Бекман Сойлыбаев Лос-Анджелесте, көпшілікке танымал бапкер Эрик Браунның жетекшілік етуімен алдағы жекпе-жегіне дайындалып жатыр. diamondring.kz