Геннадий Головкин америкалық боксшы Доминик Уэйдпен жұдырықтасуы мүмкін

Бұл туарлы Boxrec.com сайты мәлімдеді. WBA (Super), IBO, IBF және WBC (Interim) тұжырымдары бойынша орта салмақтағы Әлем чемпионы қазақстандық боксшы Геннадий Головкин келесі жекпе-жегін америкалық Доминик Уэйдпен өткізуі мүмкін. Екі тарап әлі нақты келісімге келген жоқ. Дегенмен, жекпе-жек 23 сәуірде АҚШ-тың Лос-Анджелес қаласындағы «Форум» аренасында өтпек. Сондай-ақ, бұл кездесуді көрсетуге HBO телеарнасы келісіп отыр. Айта кетейік, 25 жастағы америкалық боксшы кәсіпқой бокста 18 жекпе-жек өткізіп, барлығында жеңіске жеткен. 12 кездесуін мерзімінен бұрын аяқтаған.