Геннадий Головкин: Астанада шоу жекпе-жек өткізгім келеді

Бұл туралы бүгін Астанада өткен баспасөз мәслихатында мәлімдеді. Кәсіпқой бокстан WBA, IBO, WBC IBF нұсқалары бойынша әлем чемпионы, Геннадий Головкин Астанада нағыз жекпе-жек өткізгісі келетінін айтты. Геннадий Головкин баспасөз мәслихатының ресми бөлімінде туған жеріне келіп, қуанып жатқанын, Цеснабанк-пен арадағы ынтымақтастықты қуана қолдайтынын, банкпен ынтымақтастық орнатып, әртүрлі жобаларға ықыласпен қатысатынын айтып берді. Сондай-ақ, ол Қазақстанда кәсіпқой бокс академиясын ашуға да болатынын атап өтті. «Алдағы уақытта Астанада көңілімнен шығатын бокс өткізгім келеді. Тіпті, жекпе-жек емес, нағыз кәсіпқой бокстың шоуын өткізуге болады. Яғни, нағыз кәсіпқой бокстың не екенін көрсетер жекпе-жек», - деді Геннадий Головкин. 2016 жылы «Цеснабанк» АҚ мен Геннадий Головкин ынтымақтастықтың жаңа кезеңін бастады. Айта кетейік, Геннадий Головкин ертең алматылық журналистермен баспасөз мәслихатын өткізеді.