IBF Геннадий Головкинге қарсылас тағайындады

Халықаралық бокс федерациясы (IBF) қазақстандық кәсіпқой боксшы Геннадий Головкиннің (34-0) америкалық Доминик Уэйдпен (18-0) жұдырықтасуын міндеттеді. Қазіргі таңда тараптар келіссөз жүргізуде. Бұдан бұрын Г.Головкиннің қарсыласы Туреано Джонсон болады деген. Алайда, багамдық боксшы жарақатына байланысты жекпе-жектен бас тартты. Доминик Уэйдтің промоутері Premier Boxing Champions басшысы Эл Хэймон. Ал, Геннадий Головкиннің жекпе-жегін көрсететін НВО телеарнасы Хэймонмен бірнеше жылдан бері жұмыс істемейтіні белгілі.