«Астана арландары» биылғы WSB жобасын 23 қаңтарда бастайды

«Астана арландары» бокс клубы былтырғы маусымның чемпиондары. Биылғы маусымда «Астана арландары» «D» тобында «Baku Fires» (Әзірбайжан), «Puerto Rico Hurricanes» (Пуэрто-Рико), «Tеам Uzbekistan» (Өзбекстан) клубтарымен сынға түседі. «Арландар» алғашқы жекпе-жегін 23 қаңтар күні Қарағанды қаласында әзірбайжандық «Baku Fires» клубының боксшыларымен жұдырықтасады. 6 ақпан күні «Puerto Rico Hurricanes» (Пуэрто-Рико), 23 ақпан «Tеам Uzbekistan» (Өзбекстан) және 4 наурыз күні «Baku Fires» (Әзірбайжан) командаларымен сырт алаңда шаршы алаңға шығады. Ал, 19 наурыз күні Петропавл қаласында «Puerto Rico Hurricanes» (Пуэрто-Рико) және 2 сәуір күні Өскеменде «Tеам Uzbekistan» (Өзбекстан) клубтарымен жұдырықтасады.