Қанат Исламның қарсыласы өзгерді

Орта жеңіл салмақ бойынша Кариб аймағының үздігі, WBA FedeCaribe тұжырымының чемпионы қазақстандық боксшы Қанат Исламның қарсыласы өзгерді. Қанат Исламның жаңа қарсыласы Доминикан Республикасының боксшысы –Джонатан Батиста. 31-жасар Батиста 22 кездесу өткізіп, 15 жекпе-жегінде жеңіске жеткен (8 кездесуін мерзімінен бұрын аяқтаған). Ал, 7 кездесуінде жеңілген. 7 қарашада АҚШ-тың Флорида штатындағы Майами қаласында өтетін жекпе-жек 10 раундқа жоспарланған. Қанат Ислам бұған дейін 34-жасар мексикалық боксшы Алексис Камачомен жұдырықтасу керек еді. Белгісіз себептермен бұл жекпе-жек өтпейтін болған. Дегенмен, Алексис Камачода бұл жекпе-жек аясында америкалық Эриксон Лубинмен (12-0-0) жұдырықтасады. Айта кетейік, Қанат Ислам кәсіпқой бокста 19 жекпе-жек өткізіп, барлығында жеңіске жеткен.