Түркияда өткен бокстан жастар арасындағы халықаралық турнирінде екі боксшымыз жеңімпаз атанды

Стамбулда өткен Ахмета Комертті еске алуға арналған жарыста отандастарымыз 2 алтын, 3 күміс және 2 қола медаль жеңіп алды. Турнирде 69 келідегі астаналық боксшы Садриддин Ахмедов және 75 келідегі түркістандық спортшы Бек Нұрмағамбет жеңіске жетті. Күміс медальді тараздық Рустам Хамидов ( 49 кг), қостанайлық Айдос Арапов ( 62 кг) және павлодарлық Серік Теміржанов ( 56 кг) иеленді. Ал, қола жүлдеге павлодарлық Абылай Сайлаубеков (52 кг) және ақмолалық Рая Сейтжанов ( 64 кг) иелік етті. Әлемнің 17 елінен келген Ахмета Комертті еске алуға арналған турнирінде Қазақстан Ұлттық құрамасының боксшылары жалпы есепте екінші орын иеленді. Бірінші орынды түркиялық боксшылар алса, үздік үштікті өзбекстандық боксшылар түйіндеді.