Бүгін «Қазақстан» телеарнасы бокстан ӘЧ-дағы жартылай финалдарды тікелей эфирде көрсетеді

Бүгін Дохада (Катар) өтіп жатқан бокстан Әлем чемпионатында жартылай финалдық кезең басталады. Осыған орай, «Қазақстан» Ұлттық телеарнасы барлық жекпе-жектерді Астана уақытымен сағат 23:35-тен бастап тікелей эфирде көрсетеді. Айта кетейік, жарыстың бұл кезеңіне екі қазақстандық спортшы шықты. Қазіргі Әлем чемпионы Данияр Елеусінов (69 келі) әзірбайжандық Парвиз Багировпен кездеседі. Ал, Иван Дычко (+91 келі) жартылай финалда өзбекстандық Баходир Джалоловпен қолғап түйістіреді. Отандастарымыздың жекпе-жектері ертең, 12 қазанда өтеді. Бұл кездесулерді «KAZsport» телеарнасы тікелей эфирде 21:55-те көрсетеді.