Геннадий Головкин BoxRec нұсқасы бойынша P4P рейтингінің үздік үштігіне кірді

BoxRec.com сайты салмақ дәрежесінен тыс (P4P) үздік боксшылардың рейтингін жаңартты. Америкалық Флойд Мейвезер спорттық мансабын аяқтағаннан кейін рейтингті украиналық боксшы Владимир Кличко бастады. Қазақстандық боксшы Геннадий Головкин екінші орынға көтерілсе, үздік үштікті Сауль Канело Альварес қорытындылап тұр. Айта кетейік, отандасымыз Геннадий Головкин 17 қазан (Астана уақытымен 18) күні АҚШ-та канадалық боксшы Давид Лемеьге қарсы жекпе-жек өткізеді. Кездесуді «Қазақстан» Ұлттық телеарнасы тікелей эфирде көрсетеді.