Қазақстандық боксшы Жанна Басқаева Азия чемпионатында келесі кезеңге өтті

Қытайдың Уланчаб қаласында әйелдер арасындағы Азия чемпионаты жалғасуда. 48 келіге дейінгі салмақ дәрежесінде қазақстандық Алина Тұрлыбаева үндістандық Шамджетсабам Сарджубалаға 0:2 есебімен есе жіберді. Айта кетейік, өткен жылы дәл осы үндістандық спортшыны Назым Қызайбай Әлем чемпионатының финалында ұтқан еді. Сонымен қатар, Жайна Шекербекова (51 келі) қытайлық Рен Канканьға 1:2 есебімен жеңілсе, Гүлжайна Үббиниязова (60 келі) Солтүстік Корея елінің боксшысы Ри Тангқа 0:3 есебімен ұтылды. Жарыстың бұл күні Қазақстан құрамасынан тек Жанна Басқаева (57 келі) ғана жеңіске жетті. Ол индонезиялық Джембайды 3:0 есебімен жеңіп, турнирдің келесі кезеңіне өтті. Фото: ҚБФ